புனே (05 May 2023): இந்திய ராணுவ ஏவுகணைகள் பற்றிய ரகசியத் தகவல்களை, பாகிஸ்தானுக்கு உளவு சொன்ன வழக்கில் கைது செய்யப்பட்டுள்ள விஞ்ஞானி பிரதீப் குருல்கர், ஒரு ஆர்.எஸ்.எஸ் ஊழியர் என விசாரணையில் தெரியவந்துள்ளது.
யார் இந்த பிரதீப் குருல்கர்?
பாக். உளவாளியாக செயல்பட்டு விஞ்ஞானி பிரதீப் குருல்கர், பாதுகாப்பு ஆராய்ச்சி மற்றும் மேம்பாட்டு அமைப்பின் (Defence Research & Development Organisation – DRDO) உயர்மட்டத் தலைவராக பணி புரிந்து வருகிறார். பாகிஸ்தான் உளவுத்துறை இயக்குனரிடம் (PIO) ஹனி ட்ராப் முறையில் சிக்கிய பிரதீப் குருல்கர், இந்திய ராணுவத்தின் “பிரம்மோஸ் ஏவுகணை திட்டம்” குறித்த மிக ரகசியமான தொழில்நுட்பத் தகவல்களை தொடர்ந்து பகிர்ந்து வந்துள்ளது மகாராஷ்டிராவின் பயங்கரவாத எதிர்ப்புப் படை (ATS) தலைமையில் நடந்த தீவிர விசாரணையில் தெரிய வந்துள்ளது. (சத்தியமார்க்கம்.காம்)
விஞ்ஞானி பிரதீப் குருல்கர் ஒரு தீவிரமான ஆர்.எஸ்.எஸ் ஊழியர் என்றும், ஆர்.எஸ்.எஸ் அமைப்பின் செயல்பாடுகளில் இணைந்து துடிப்பாக பணியாற்றி வருபவர் என்றும் காங்கிரஸ் தலைவர் பவான் கெஹ்ரா ஊடகங்களில் வெளியிட்டுள்ளார். இச் செய்திக்கு ஆர்.எஸ்.எஸ் தரப்பு மறுப்பு ஏதும் கூறாமல் மவுனமாக இருந்து வருவது குறிப்பிடத் தக்கது.
டி.ஆர்.டி.ஓ. என அழைக்கப்படும் இந்திய பாதுகாப்பு ஆராய்ச்சி மற்றும் மேம்பாட்டு கழகத்துக்கு சொந்தமான ஆய்வகம் மராட்டிய மாநிலம் புனேயில் உள்ளது. இதில் இயக்குனராக பணியாற்றி வந்தவர் பிரதீப் குருல்கர்.
இவர் பாகிஸ்தானை சேர்ந்த உளவு அமைப்பு ஏஜெண்ட் உடன் தொடர்பில் இருந்ததாக கடந்த மே 3, 2023-ந் தேதி மராட்டிய பயங்கரவாத தடுப்பு பிரிவு போலீசாரால் அதிரடியாக கைது செய்யப்பட்டார். கைதான விஞ்ஞானியிடம் போலீசார் தீவிர விசாரணை நடத்தினர். அப்போது பல திடுக்கிடும் தகவல்கள் வெளிவந்தன.
பாகிஸ்தான் உளவு அமைப்பை சேர்ந்தவர்கள், பெண்ணை வைத்து ஆபாசமாக பேசி விஞ்ஞானியை அவர்களது வலையில் வீழ்த்தி உள்ளனர். பின்னர் அதன் மூலம் அவர்கள் விஞ்ஞானியிடம் இருந்து இந்திய ராணுவம் குறித்த ரகசிய தகவல்களை கறந்தது தெரியவந்தது.
இவர் அரசு பணி நிமித்தமாக 5 முதல் 6 வெளிநாடுகளுக்கு பயணம் செய்துள்ளார். இந்த பயணத்தின் போது அவர் யார், யாரை எல்லாம் சந்தித்தார் என்ற தகவல்களை சேகரித்து விசாரிக்க இருப்பதாக போலீசார் தெரிவித்தனர்.
இந்த நிலையில் விஞ்ஞானியின் விசாரணை காலம் முடிந்ததை அடுத்து அவரை நேற்று போலீசார் புனேயில் உள்ள சிறப்பு நீதிமன்றத்தில் ஆஜர் படுத்தினர். விஞ்ஞானியை வருகிற 29-ந் தேதி வரை நீதிமன்ற காவலில் சிறையில் அடைக்க நீதிமன்றம் உத்தரவிட்டது. அதன்படி அவர் சிறையில் அடைக்கப்பட்டார்.
முன்னதாக கோர்ட்டில் ஆஜர்படுத்தப்பட்ட விஞ்ஞானி தனக்கு ரத்த உயர் அழுத்தம் இருப்பதால் அதற்கான மருந்து மாத்திரைகளை ஜெயிலுக்கு எடுத்து செல்லவும், வீட்டில் இருந்து உணவு கொடுத்துவிடவும் அனுமதி கேட்டார். ஆனால் மருந்து மாத்திரை எடுத்து செல்ல அனுமதி அளித்த கோர்ட்டு, வீட்டு உணவுக்கு அனுமதி மறுத்துவிட்டது.
பிரதீப் குருல்கர் யார்?
59 வயதான விஞ்ஞானி பிரதீப் குருல்கர், டிஆர்டிஓவின் ஆராய்ச்சி மற்றும் மேம்பாட்டு நிறுவனத்தின் (பொறியாளர்கள்) அல்லது ஆர்&டி.இ (R&DE) பிரிவின் இயக்குநராக இருந்தார்.
இந்த அரசு நிறுவனம், ராணுவப் பாலங்கள் முதல் தரை அமைப்புகள் மற்றும் ராக்கெட் லாஞ்சர்கள் வரை இந்திய அரசு ரகசியமாக வைத்திருக்கும் முக்கியத்துவம் வாய்ந்த பல்வேறு திட்டங்களைக் கையாண்டு வருகிறது. இந்தியாவின் ஆயுதக் கிடங்கில் ஏவுகணைகள். டி.ஆர்.டி.ஓ-வில் இரண்டாவது மிக உயர்ந்த பதவியான விஞ்ஞானி எச் அல்லது ‘சிறந்த விஞ்ஞானி’ பதவியுடன் அவர் எதிர்வரும் நவம்பர் 2023 இல் ஓய்வு பெற உள்ளார்.
மே மாதம், அவர் கைது செய்யப்பட்ட பிறகு, தி இந்தியன் எக்ஸ்பிரஸ் அவருடைய சக ஊழியர்களிடம் பேசியது. அவர் விஞ்ஞானிகள் இடையே “மோதல்களைத் தீர்ப்பதில் வல்லவர்”, “பன்முக விஞ்ஞானி” மற்றும் “கதைகளை விரும்பி பேசும் முதலாளி” என்று கூறினார்கள்.
குருல்கர் 1985 இல் புனே பொறியியல் கல்லூரியில் எலக்ட்ரிக்கல் இன்ஜினியரிங் பட்டம் பெற்றவர். டி.ஆர்.டி.ஓ-வில் சேருவதற்கு முன்பு புனேயில் உள்ள ஒரு தனியார் நிறுவனத்தில் பணிபுரிந்தார். அவர் இசையில் ஆழ்ந்த ஆர்வம் கொண்டவர். சாக்ஸபோன், புல்லாங்குழல், தபேலா மற்றும் மிருதங்கம் வாசிப்பார்.
அவரது சக ஊழியர்களின் கருத்துப்படி, இந்த விஞ்ஞானி, செயற்கைக்கோள் எதிர்ப்பு ஏவுகணை சோதனை – மிஷன் சக்தி மற்றும் அணுசக்தி திறன் கொண்ட தொடர் அக்னி போன்ற பல உத்தி முக்கியத்துவம் வாய்ந்த திட்டங்களில் பணிபுரிந்த குழுக்களில் முக்கிய உறுப்பினராக இருந்தார். ஆகாஷின் வெற்றிகரமான வளர்ச்சிக்கு அவரது மிகப்பெரிய பங்களிப்பு இருந்தது. மேற்பரப்பில் இருந்து வான் ஏவுகணை (SAM), இந்திய ராணுவம் மற்றும் விமானப்படையின் வான் பாதுகாப்பு திறன்களின் முக்கிய சொத்து. குருல்கர் ஆகாஷ் மைதான அமைப்புகளுக்கான திட்டத் தலைவராகவும் குழு மேலாளராகவும் இருந்தார்.
பாகிஸ்தானுக்கு உளவு சொன்னதற்காக கைது செய்யப்பட்ட விஞ்ஞானி, டி.ஆர்.டி.ஓ வின் பல முக்கியமான ராணுவ ரகசியங்களை பாதுகாக்கும் பணிக்காக நியமிக்கப்பட்டவர். இந்திய நாட்டின் ராணுவ ரகசியங்களான நடுத்தர தொலைவு எஸ்.ஏ.எம், நிர்பய் சப்சோனிக் கப்பல் ஏவுகணை அமைப்பு, பிரஹார், விரைவு எதிர்வினை எஸ்.ஏ.எம் மற்றும் கூடுதல் நீண்ட தூர எஸ்.ஏ.எம் உள்ளிட்ட பிற ஏவுகணை அமைப்புகளிலும் அவர் பணியாற்றியுள்ளார்.
கைது செய்யப்படுவதற்கு சில நாட்களுக்கு முன்பு, டிஆர்டிஓ-வின் விஜிலென்ஸ் பிரிவு உள் விசாரணையை மேற்கொண்டதால், புனேவில் உள்ள ஆர்மமென்ட் காம்பாட் இன்ஜினியரிங் கிளஸ்டர் அலுவலகத்திற்கு குருல்கர் மாற்றப்பட்டார். கைது செய்யப்பட்டதில் இருந்து இவர் பதவியில் இருந்து சஸ்பெண்ட் செய்யப் பட்டுள்ளார்.
பாக். உளவாளி பிரதீப் குருல்கர் மீது பயங்கரவாத எதிர்ப்புப் படை (ATS) வைக்கும் குற்றச்சாட்டுகள் என்ன?
பயங்கரவாதத் தடுப்பு படை சமர்ப்பித்துள்ள ஆவணங்களின்படி, பிரதீப் குருல்கரை பாகிஸ்தான் உளவுத்துறை பென் இயக்குனர் ஜாரா என்பவர் தொடர்பு கொண்டார். மேலும், அவர் இங்கிலாந்தில் உள்ள ஒரு மென்பொருள் பொறியாளர் என்று அவரிடம் கூறி ஆபாசமான செய்திகளை அனுப்பியும் வீடியோ அழைப்புகள் மூலமும் விஞ்ஞானியைக் கவர்ந்தார். மேலும், குருல்கர் அவளுடன் ஜூன் 10, 2022 மற்றும் பிப்ரவரி 24, 2023-க்கு இடையில் பலமுறை உரையாடி ரகசியங்களை வெளியிட்டு வந்துள்ளார். (சத்தியமார்க்கம்.காம்)
அக்டோபர் 19, 2022 மற்றும் அக்டோபர் 28, 2022-க்கு இடையில் இந்திய ராணுவ விஞ்ஞானிக்கும் பாக். உளவுத்துறை அதிகாரிக்கும் இடையே இந்தியாவின் “பிரம்மோஸ்” பற்றி பேசியதாக போலீஸ் பிரிவு அதன் 1,837 பக்க குற்றப்பத்திரிகையில் ஆவணங்களை இணைத்துள்ளது.
பிரம்மோஸைத் தவிர, குருல்கர் மற்றும் ஜாரா ஆகியோர் டிஆர்டிஓவின் “அக்னி 6, ருஸ்டம் (நடுத்தர உயரத்தில் நீடித்து நிற்கும் ஆளில்லா விமானம்), சர்ஃபேஸ் டு ஏர் ஏவுகணைகள் (எஸ்.ஏ.எம்), ஆளில்லா போர் விமானங்கள் (யு.சி.ஏ.வி), ட்ரோன் திட்டங்கள்” ஆகியவை பற்றிய ஆவணங்களை பகிர்ந்துள்ளனர் என்று குற்றப்பத்திரிகையில் கூறப்பட்டுள்ளது. இது “Quadcopter, DRDO கடமை விளக்கப்படம், விண்கல் ஏவுகணை, ரஃபேல், ஆகாஷ் மற்றும் அஸ்ட்ரா ஏவுகணை” பற்றிய தகவல்களையும் உள்ளடக்கியது.
மேலும், குருல்கர் ஜாராவுடன் உரையாடும்போது மேலும் இரண்டு டி.ஆர்.டி.ஓ விஞ்ஞானிகளின் பெயர்களை பகிர்ந்து கொண்டுள்ளார். பயங்கரவாத எதிர்ப்புப் படை பிரதீப் குறிப்பிட்ட அந்த இரண்டு விஞ்ஞானிகளின் அறிக்கைகளையும் பதிவு செய்துள்ளது.
மேலும், இந்தியாவின் எந்தெந்த எல்லைகளில் விமானப்படை அமைப்பு ஏவுகணைகள் நிறுவப்பட்டுள்ளன எனும் ராணுவ ரகசியங்களையும் வெளியிட்டுள்ளார் என குற்றப்பத்திரிகையில் தெரிவிக்கப்பட்டுள்ளது.
பாகிஸ்தான் உளவாளியாக செயல்பட்ட ஆர்.எஸ்.எஸ் சேவகரான பிரதீப் குருல்கர் கைவசம் இருந்த, செல்போன்கள், மடிக்கணினிகள் மற்றும் டெஸ்க்டாப் ஹார்ட் டிஸ்க்குகள் உட்பட அவர் பயன்படுத்திய பல்வேறு மின்னணு சாதனங்கள், தடயவியல் விசாரணைக்காக பிப்ரவரி 24, 2023 அன்று டி.ஆர்.டி,ஓ அதிகாரிகளால் பறிமுதல் செய்யப்பட்டதாக பயங்கரவாத எதிர்ப்பு படை அதிகாரிகள் தெரிவித்துள்ளனர்.
– (சத்தியமார்க்கம்.காம்)
தொடர்புடைய செய்திகள்:
https://thewire.in/video/watch-drdo-scientist-pradeep-kurulkar-pakistan-agent-rss
(செய்தி: சத்தியமார்க்கம்.காம்)
