முகப்பு

இஸ்லாம்

செய்திகள்

தகவல்

கட்டுரைகள்

சேவைகள்

தொடர்பு கொள்க!

English

இஸ்லாம்

கஅபா இறையாலயம்

மலான் மாதக் கடமையான ஒரு மாத நோன்பைத் தவிர மற்ற சில நாட்களிலும் நோன்பு வைக்க நபி (ஸல்) அவர்கள் முஸ்லிம்களுக்கு அறிவுறுத்தியுள்ளார்கள். அவற்றில் மிக முக்கியமான நோன்பு அரஃபாதின நோன்பாகும். ரமலானைத் தொடர்ந்து வரும் இஸ்லாமிய வருடத்தின் இறுதி மாதமான துல்ஹஜ் மாதம் ஒன்பதாம் நாள் அரஃபா தினமாகும்.

அதாவது ஹஜ் யாத்திரிகர்கள் ஹஜ்ஜின் முக்கியக் கடமைச் செயற்பாடுகளுள் ஒன்றான அரஃபா மைதானத்தில் ஒன்று கூடும் நாளாகும். இந்நாளில் ஹஜ்ஜுக்குச் செல்லாத மற்ற உலக முஸ்லிம்கள் நோன்பு நோற்குமாறு நபி (ஸல்) அவர்கள் கட்டளையிட்டுள்ளார்கள்.

அரஃபா நாளில் நோன்பு நோற்பது பற்றி நபி (ஸல்) அவர்களிடம் வினவப்பட்டது. அதற்கு அவர்கள் "அது கடந்த வருடத்தின் மற்றும் வரக்கூடிய வருடத்தின் பாவத்தை போக்கிவிடும்!" என்று பதிலளித்தார்கள். அறிவிப்பவர்: அபூகதாதா(ரலி), நூல்: முஸ்லிம், திர்மிதி, அபூதாவூத்.

"நபி (ஸல்) அவர்கள் துல்ஹஜ் ஒன்பதாம் நாள் நோன்பு வைப்பார்கள் என்று நபிகளார் (ஸல்) அவர்களின் துணைவியார்களில் சிலர் கூறினார்கள்" அறிவிப்பவர்: ஹுனைதாபின் காலித்(ரலி), நூல்கள்: அபூதாவூத், நஸயி, அஹ்மத்.

அரஃபா தினத்தன்று அரஃபா மைதானத்தில் (குழுமியிருக்கும் ஹாஜிகள்) நோன்பு நோற்பதை நபி (ஸல்) அவர்கள் தடைவிதித்துள்ளார்கள். அறிவிப்பவர்: அபூஹுரைரா (ரலி), நூல்கள்: அபூதாவூத், அஹ்மத், நஸயி.

அரஃபா மைதானம் என்பது மறுமையில் இறைவன் முன் மனிதர்கள் விசாரணைக்காக எழுப்பப்பட்டு நிறுத்தி வைக்கப்படும் மஹ்ஷர் மைதானத்திற்கு இவ்வுலகில் இறைவன் காண்பிக்கும் ஓர் உதாரணமாகும். இதனை அரஃபா மைதானத்தில் ஒரு முறையாவது ஹஜ்ஜிற்காகச் சென்று ஒன்று கூடியவர்கள் கண்ணாரக் கண்டு உணர்ந்திருப்பார்கள். இலட்சக்கணக்கான மக்கள் ஓர் இடத்தில் ஒரே நேரத்தில் ஒன்று கூடுவதும் தன்னைப் படைத்தவனிடம் இருகரமேந்தி பாவமன்னிப்புத் தேடுவதும் பல மணிநேரம் இவ்வுலகச் சிந்தையின்றி இறை தியானத்தில் இருப்பதும் இத்தினத்தில் அரஃபா மைதானத்தில் நிகழ்கிறது.

அதே தினம் உலகின் பிற பகுதிகளில் இருக்கும் முஸ்லிம்களும் இறை தியானத்தில் தங்களையும் ஈடுபடுத்த, நோன்பு வைப்பதற்கு நபி (ஸல்) அவர்கள் ஏவியிருப்பது பல்வேறு அர்த்தங்களையும் எதிர்பார்ப்புகளையும் வெளிப்படுத்தி நிற்கிறது. எனவே இத்தினத்தில் ஹஜ்ஜிற்குச் செல்லாத மற்ற முஸ்லிம்கள் அவசியம் நோன்பு வைத்து, தங்களையும் ஹஜ்ஜாஜிகளோடு இறைதியானத்தில் ஒன்றிணைக்க முயல வேண்டும்.

அரஃபா நாளில் நோன்பு நோற்பதை நபி (ஸல்) அவர்கள் குறிப்பிட்டதற்குக் கூடுதலாக முஸ்லிம்களில் சிலர் துல்ஹஜ்ஜின் ஆரம்ப பத்து நாட்கள் நோன்பு நோற்கிறார்கள். அரஃபா தினம் அடங்கிய துல்ஹஜ் மாதத்தின் முதல் பத்து தினங்களின் சிறப்பை நபி(ஸல்) அவர்கள் நவின்றுள்ளதுதான் இதற்குக் காரணமாகும்.

"அல்லாஹ்விடத்தில் துல்ஹஜ் பத்து நாட்களில் நற்காரியங்களை செய்வதற்கு மிகவும் விருப்பமான இந்த நாட்களைவிட வேறெந்த நாட்களும் இல்லை" என்று நபி (ஸல்) அவர்கள் கூற, அதற்கு நபித்தோழர்கள், "அல்லாஹ்வின் தூதரே! அல்லாஹ்விற்காக போரிடுவதைவிடவா?" என்று வினவ, "ஆம். அல்லாஹ்வின் பாதையில் போரிடுவதைவிட; ஆனால், தன் உயிரையும் பொருளையும் பணயம் வைத்துப் புறப்பட்டு, இரண்டையும் (இறைவழியில்) இழந்துவிட்டவன் செய்த ஜிஹாதைத் தவிர" என்று நபி(ஸல்) அவர்கள் கூறினார்கள். அறிவிப்பவர்: இப்னு அப்பாஸ் (ரலி), நூல்: புகாரி.

இவ்வளவு முக்கியத்துவம் வாய்ந்த இந்தப் பத்து நாட்களின் சிறப்பைக் கருதி முஸ்லிம்களில் சிலர் இப்பத்து நாட்களிலும் நோன்பு நோற்கின்றனர். ஆனால் ஆயிஷா (ரலி) அவர்கள் இந்நாட்களில் நபி(ஸல்) அவர்கள் நோன்பு நோற்றதைக் கண்டதில்லை என்று மறுத்துரைக்கின்றார்கள்.

"நான் நபி (ஸல்) அவர்களை (இந்தப்)பத்து நாட்களில் நோன்பு நோற்றதாகப் பார்த்ததே இல்லை" அறிவிப்பவர்: ஆயிஷா(ரலி), நூல்கள்: முஸ்லிம், திர்மிதி.

மற்றவரைவிட எல்லாவிதத்திலும் முன்னிலையில் இறை தியானங்களில் ஈடுபடுவதை அதிகம் விரும்பி, தன்னை எல்லாவிதமான இறைதியானங்களிலும் ஈடுபடுத்தி முன்னுதாரணமாக விளங்கிய நபி (ஸல்) அவர்கள் துல்ஹஜ் பத்து நாட்கள் நோன்பு நோற்று இருந்தால் அதைப்பற்றியும் அறிவிப்புகள் வந்திருக்க வேண்டும். ஹதீஸ்களில் எந்த ஒரு நபித்தோழரும் அவ்வாறு அறிவித்தாக நாமறிந்தவரை செய்திகளைக் காண முடியவில்லை. எனவே இந்த அரஃபா நோன்புக்கு முந்திய தினங்களில் வேறு வணக்க வழிபாடுகளில் ஈடுபடுவதே சாலச் சிறந்ததாகும். மற்ற நாட்களைவிட இந்த நாட்களில் அல்லாஹ்வைத் துதிப்பதில் அதிகக் கவனம் செலுத்த முயல வேண்டும்.

நோன்பு நோற்பது இறைவனிடம் மிகப்பெரிய பாக்கியத்தைப் பெற்றுத்தரும் செயலாக இருந்தாலும் ரமலான்மாதக் கடமையான நோன்பைத் தவிர துல்ஹஜ் மாதத்தில் தொடர்ச்சியாக நோன்பு வைக்க முஸ்லிம்களின் வழிகாட்டியான நபி (ஸல்) அவர்கள் கற்றுத் தரவில்லை.

நபி (ஸல்) அவர்கள் கற்றுத் தராத, செய்து காண்பிக்காத எந்தச் செயலையும் மார்க்கத்தில் நல்லமலாக அங்கீகரிக்க இயலாது. ஆனால் அதேநேரம் குர்ஆன் ஓதுதல், திக்ருகள், தேவையுடையவருக்கு உதவுதல், இரவுத் தொழுகை, அல்லாஹ்வைப் புகழ்தல், இஸ்திக்ஃபார் (பாவமன்னிப்பு தேடுதல்), ஸதகாத் (தர்மங்கள் செய்வது) போன்ற ஏனைய இறை அருளை பெற்றுத்தரும் காரியங்களில் ஈடுபடலாம்.

அல்லாஹ் மிக அறிந்தவன்.

அல்லாஹ் முஸ்லிம்கள் அனைவரின் நல் அமல்களையும் பிரார்த்தனைகளையும் ஏற்று நல்லருள் புரிவானாக... ஆமீன்.

-: மீள்பதிவு :-

மூலம்: a1realism.com

அரஃபா நோன்பை அவ்வருடம் ஹஜ்ஜிற்கு செல்லாதவர்கள் மட்டும்தான் நோற்க வேண்டும். ஏனெனில் அரஃபா தினத்தன்று அரஃபாவில் ஒன்று கூடியிருக்கும் ஹாஜிகள் நோன்பு நோற்பதற்குத் தடைவிதிக்கப்பட்டுள்ளது.

Comments   
ஜபர் அலி
0 #1 ஜபர் அலி -0001-11-30 05:21
சமுதாயத்திற்கு தக்க சமயத்தில் தேவையான செய்திகளைத் தரும் சத்திய மார்க்கம்.காம் இதுபோல இன்னும் சிறப்பாக செயல்பட அல்லாஹ்விடம் பிராத்திக்கின்ற ேன்
Quote | Report to administrator
Abu Shabin
0 #2 Abu Shabin -0001-11-30 05:21
Assalamu alaikkum..
I Have one doubt pl'z clear me based on Qura'n Hadees way.I am really confusion..
i am from saudi jubail city here Arafa' day Dec29th so i put Arafa fasting the same day here.. i advise to my family the same day in India,but after that my close friend he from kerala [salafi group] he is telling that's wrong which day they count in Dulhajj 9th that day only for them Arfa' day...!!! but i heard from here one Tamil Daw'a related person he is telling which day Hajee gathering in Arafa' that Day is Arafa' Day...pl'z clear me with prove from Qura'n and Sunna...
Jazakumullah'khair..
Quote | Report to administrator
அபூ முஹை
0 #3 அபூ முஹை -0001-11-30 05:21
தகவல் தொலைத் தொடர்பு நவீனத்துவத்தில் மனிதன் அடியெடுத்து வைப்பதற்கு முன், இஸ்லாத்தின் ஐந்தாவது கடமையாகிய புனித ஹஜ் பயணத்தை மேற்கொண்டு, ஒரு குழுவினராக மக்காவை நோக்கிப் பயணித்தவர்கள், பயணத்தின் போது அல்லது ஹஜ் கிரியைகளை நிறைவேற்றும் போது அந்தக் குழுவில் ஒருவர் இறந்து விட்டால் அவருடன் பயணம் சென்றவர்கள் திரும்பி வந்து இறந்தவரின் குடும்பத்துக்கு தெரிவிக்காதவரை மரணித்தவரின் குடும்பத்துக்கு அந்த மரணச் செய்தியைத் தெரிந்து கொள்ள எந்த வாய்ப்பும், வசதியும் இல்லாமல் இருந்தது அது ஒரு காலம்.

ஆனால் இன்று அப்படி அல்ல!

புனித ஹஜ் பயணத்தை நாடி புறப்பட்டவர், ஹஜ் கிரியைகளை நிறைவேற்றும் போது மரணமடைந்தால் சில நிமிட நேரங்களில் அவரின் குடும்பத்துக்கு மரணச் செய்தியை தெரிவித்து விடலாம், சில நிமிடங்களில் அவரின் மரணத்தையும் நேரடி ஒளிபரப்புச் செய்து இந்த உலகத்துக்கே அவரின் ஜனஸாவை காட்சிக்கு கொண்டு வந்து விடலாம்.

முன்பு, கணவன் ஹஜ்ஜுக்கு சென்றிருக்கிறார ் என்று எண்ணிக் கொண்டிருக்கும் மனைவி, கணவன் இறந்த செய்தி கிடைக்காமல், இத்தா இருக்க வேண்டிய காலத்தில், மாதங்களாக ஹஜ்ஜுக்குப் போன கணவன் திரும்பி வருவார் என்று நம்பிக் கொண்டிருப்பார் .

இன்று, ஹஜ்ஜுக்கு சென்ற கணவன் இறந்துவிட நேர்ந்தால், சில நிமிடங்களில் இறந்த செய்தியைக் கேட்டு மனைவி இத்தா இருப்பதை மேற்கொள்ள முடியும். அதாவது மனிதன் எவ்வளவு தொலை தூரத்திற்கு பயணம் மேற்கொண்டாலும் , முன்பு போல் தூரங்கள் ஒரு பிரச்சனையே இல்லை. தூரத்திலிருந்தா லும் பாதிப்பும், தாக்கமும் நேரடி நிகழ்வுகளுக்குச ் சமமாக இருக்கிறது!

ஹஜ் கிரியைகளில் மிக முக்கிய தங்குமிடமாகிய - மக்கள் பெரு வெள்ளத்தில் பொங்கி வழியும் ''அரஃபா மைதானத்தை'' (திருக்குர்ஆன், 002:198) இன்று நேரடியாக தொலைக்காட்சிகள ில் பார்க்கிறோம். ''மக்கள் எங்கிருந்து புறப்படுகிறார்க ளோ அங்கிருந்து நீங்களும் புறப்படுங்கள்'' (திருக்குர்ஆன், 002:199) என்று, துல்ஹஜ் 9ம் நாள் ஹாஜிகள் தங்கியிருந்து புறப்பட, இறைவன் கட்டளையிடும் அரஃபா மைதானம் தொலைக்காட்சிகள ில் நேரடியாகப் பார்த்த பின்னும் இன்று எங்களுக்கு அரஃபா தினம் இல்லை என்று ஹஜ்ஜில் இல்லாதவர்கள் சொல்லிக் கொள்கிறோம்.

''அல்லாஹ் அரஃபா (துல்ஹஜ் 9ம்) நாளில் அடியார்களுக்கு நரக விடுதலையளிக்கும ் அளவிற்கு வேறெந்த நாளிலும் நரக விடுதலை அளிப்பதில்லை. அன்றைய தினம் அவன் (அரஃபாவிலுள்ளவர ்களை) நெருங்கி, வானவர்களிடம் அவர்களைக் குறித்துப் பெருமையாகப் பேசுகிறான். 'இவர்கள் எதை நாடி (இங்கு குழுமி) யுள்ளார்கள் என்று (பெருமிதத்தோடு ) கேட்கிறான்'' என்று அல்லாஹ்வின் தூதர் (ஸல்) அவர்கள் கூறினார்கள். (முஸ்லிம்)

''ஹஜ்'' என்பதே அரஃபாதான்'' என்று நபி (ஸல்) அவர்கள் சிலாகித்துக் கூறியுள்ளார்கள் .

''யவ்மி அரஃபா - அரஃபா நாள்'' ஒன்று தான் இருக்க முடியும். வருடம் முழுவதும் அரஃபா எனும் பெரும்வெளி வெறிச்சோடி வெறும் திடலாகக் கிடந்தாலும், வருடத்தில் ஒரு (துல்ஹஜ் 9ம்) நாள், பல லட்சக் கணக்கான ஹாஜிகளால் நிரம்பி வழியும் நாளே, உலகுக்கெல்லாம் அரஃபா நாள். அன்றைய தினம் ஹாஜிகள் நோன்பு நோற்பது வலியுறுத்தப்படவ ில்லை. அன்று ஹஜ் பயணத்திலிருந்த நபி (ஸல்) அவர்கள் அரஃபாவில் நோன்பு நோற்கவில்லை! ஹஜ் கடமையை மேற்கொள்ளாத முஸ்லிம்கள் நோன்பு வைப்பதை ஆர்வமூட்டி நபிமொழிகள் இருக்கின்றன. அன்றைய தினத்தில் வைக்கப்படும் நோன்பை ''அரஃபா நோன்பு'' என்று இஸ்லாம் அடையாளப்படுத்துகிறது.

அதித நவீன முன்னேற்றத்தின் உச்சியிலிருக்கு ம் இந்த விஞ்ஞான யுகத்தில், இஸ்லாம் அடையாளப்படுத்து ம் அரஃபா நாளை நேரடி ஒளிபரப்பில் பார்த்தும் இன்று நமக்கு அரஃபா தினம் இல்லை என்று அன்றைய தினத்தில் நோன்பு வைப்பதைப் புறக்கணிப்பவர்க ள் சற்று சிந்திக்கக் கடமைப்பட்டுள்ளா ர்கள். ஏனிந்த முரண்பாடு?

இது பற்றி கருத்துக்கள் சொல்ல விரும்பும் சகோதரர்கள் பகிர்ந்து கொள்ளலாம் நன்றி!

சகோதரர் அபூ ஷாபின் அவர்களுக்கு,

அரஃபா நாளை சரியாக அடையாளம் கண்டு நீங்கள் நோன்பு வைத்துள்ளீர்கள் , அதே நாளில் உங்கள் குடும்பத்தினரைய ும் நோன்பு நோற்கத் தூண்டியுள்ளீர்க ள். மற்றவர்கள் வேறு நாட்களை அரஃபா நாள் என்று முடிவு செய்யும் போது, அரஃபாவில் ஹாஜிகள் கூடும் நாளை அரஃபா நாள் என்று முடிவெடுக்கும் உரிமை உங்களுக்கும் உண்டு. திருக்குர்ஆன், சுன்னாவும் ஹாஜிகள் கூடும் நாளையே அரஃபா நாள் என்று அடையாளப்படுத்து கிறது! (அல்லாஹ் மிக அறிந்தவன்)

அன்புடன்,
அபூ முஹை
Quote | Report to administrator
மரைக்காயர்
0 #4 மரைக்காயர் -0001-11-30 05:21
அஸ்ஸலாமு அலைக்கும் அபூமுஹை அவர்களே, உங்களின் தெளிவான விளக்கங்களுக்கு நன்றி. இஸ்லாம் பற்றி எளிய வாசகங்களில் விளக்கும் உங்கள் கட்டுரைகளை விரும்பி படிக்கும் ஒரு வாசகன் நான்.

அரஃபா நாள் பற்றி மேலும் தெளிவு பெறுவதற்காக இந்த கேள்வியை கேட்கிறேன்.

துல்ஹஜ் 9-ம் நாளில் அரஃபா பெருவெளியில் ஹாஜிகள் கூடும் நாளே அரஃபா தினம் என்று விளக்கியிருக்கி றீர்கள். இது சவுதிஅரேபியாவில ் துல்ஹஜ் பிறை 1 தோன்றியதிலிருந் து 9-ம் நாள் அல்லவா? சவுதியில் பிறை 1 தோன்றிய நேரத்தில் தூரக்கிழக்கில் உள்ள ஆஸ்திரேலியா, மலேஷியா, சிங்கப்பூர் போன்ற நாடுகளில் நள்ளிரவு நேரமாகியிருக்கு ம். இந்த நாடுகளில் வசிப்பவர்கள் பிறை 1 என எந்த நாளை எடுத்துக் கொள்ள வேண்டும்? சில மணி நேரம் கழித்து சவுதியில் தோன்றப்போகும் பிறையை முன்னோக்கி இவர்களுக்கு முன்கூட்டியே பிறை 1 வந்து விடுமா? அல்லது சவுதியில் பிறை 1 தோன்றி விட்டது என்று நிச்சயமாகிவிட்ட பிறகு அடுத்த நாள்தான் இவர்களுக்கு பிறை 1 வருமா? எனக்கு தெரிந்த வரையில் இவர்கள் இரண்டாவது வழிமுறையைத்தான் பின்பற்றுகிறார் கள். இதன்படி பார்த்தால் சவுதியில் அரஃபா தினம் முடிந்த பிறகே, அதாவது சவுதியில் அன்று நள்ளிரவு நேரமாக இருக்கும்போது இந்த தூரக்கிழக்கு நாடுகளில் பொழுது புலரும் அல்லவா.. அந்த நாள்தான் இங்கெல்லாம் அரஃபா தினமாக கொண்டாடப்படுகிற து. இதே சட்டம்தானே இந்தியாவுக்கும் பொருந்தும்?
Quote | Report to administrator
அபூசுஹைமா
+1 #5 அபூசுஹைமா -0001-11-30 05:21
உலகின் ஏதேனும் ஒரு பகுதியில் பிறை பார்த்தால் போதுமானது என்பதில் மார்க்க அறிஞர்களிடையே ஒருமித்த கருத்து உருவாகும் வரை இத்தகைய பிரச்சனைகள் எழத்தான் செய்யும். (உலகம் முழுவதும் ஒரே நாளில் பிறை தெரிய வாய்ப்பிருப்பதா க எனக்குத் தோன்றவில்லை.)

இந்நிலையில் இது குறித்த எனது எண்ணம்,
துல்ஹஜ் பிறை 9 அன்று ஹாஜிகள் அரஃபாவில் கூடவேண்டும் என்பது விதி. எனவேதான் பிறை 9 அரஃபா தினம் என்று அழைக்கப்படுகிறத ு. மாறாக அரஃபாவில் மக்கள் கூடுவதால் அது பிறை 9 என்று ஆகிவிடாது.

அரஃபா நாளில் நோன்பு நோற்பது... என்பதை பிறை 9 அன்று நோன்பு நோற்பது என்று (அடுத்த ஹதீஸில் குறிப்பிட்டுள்ள துபோல்) பொருள் கொண்டால் குழப்பம் சற்றே குறைய வாய்ப்புண்டு.
Quote | Report to administrator
mushtak muhammad
0 #6 mushtak muhammad -0001-11-30 05:21
அஸ்ஸலாமு அலைக்கும்
அரபா நாள் நோன்பு வைப்பது ஹாஜிகள் அரபாவில் தங்கும் துல் ஹஜ் ஒம்பதாம் நாள், இது அரபா மைதானம் இருக்கும் இடத்தில் ஒம்பதாம் நாள் என்று கணக்கிட்டு கடைபிடிக்கபடுகிறது.
இதை பற்றி ஒரு வாரத்திற்கும் முன்பே முழு உலகிற்கும் அறிந்து கொள்ள இன்று வாய்ப்புள்ளது.ஆ கையால் இந்நாளை கருத்தில் கொண்டே நோன்பு நோற்க வேண்டும் இதற்கு மாறாக நாம் நோன்பு நோற்பது பெருநாளில் நோன்பு நோற்பது அல்லது அய்யாமு தஷ்ரீக் எனும் 11,12,13 ஆகிய நோன்பு நோற்க தடை விதிக்கப்பட்ட நாட்களில் நோன்பு நோற்கும் நிலை ஏற்படும்.
ஒரு இடத்தில் பிறை தெரியும் போது உலகின் பல பகுதிகள் இரவிலும், மத்திய இரவிலும் பகலிலும் என்று இருக்கும் போது பிறை செய்தி தெரிந்த உடன் வரும் நாளையே அந்த பிறைக்குரிய நாளாக கருதமுடியும் ஏனென்றால் நோன்பு என்பது சூரியன் உதிக்கும் முன்பு அதாவது ஸஹர் நேரம் முதல் சூரியன் மறையும் வரை அதாவது மக்ரிப் நேரம் வரை கடைபிடிக்கவேண்ட ிய ஒன்றாக இருப்பதால் பிறை தெரிந்த மாத்திரத்தில் நோன்பு வைப்பது சாத்தியமாகாது. பகலின் பொழுதில் இருப்பவரும் இரவில் இருப்பவரும் உடன் வரும் பகலையும், பகல் பொழுதில் இருப்பவர் செய்தி கிடைக்கும் போது ஸஹர் நேரத்தை ஏற்கனவே தாண்டி விடுவதால் அவருக்கு வரும் பகலே அந்த நாளாக கணக்கிட முடியும்.(இதில் அறிஞர்களிடையே ஹதீஸ்களின் அடிப்படையில் கருத்து வேறுபாடு நிலவுகிறது)
மெலும் நபி(ஸல்) அவர்கள் ஷவ்வால் பிறை செய்தியை கேட்டு நோன்பிருந்தவர்க ளை நோன்பை உடனே விட்டுவிட்டு பெருநாள் திடலுக்கு சென்று பெருநாள் தொழுகை தொழக்கூறிய ஹதீஸும் உள்ளது.

ஆக முன்னரே செய்தி தெரிய வாய்புள்ள அரபா ஒன்பதை அரபா இடத்தை கணக்கில் கொண்டு நோன்பு நோற்பதே சரியாக படுகிறது ( அல்லாஹ் மிக அறிந்தவன் )
முஷ்தாக் முஹம்மத்
Quote | Report to administrator
அப்துல் கரீம்
+1 #7 அப்துல் கரீம் -0001-11-30 05:21
//திருக்குர்ஆன் , சுன்னாவும் ஹாஜிகள் கூடும் நாளையே அரஃபா நாள் என்று அடையாளப்படுத்துகிறது!//

இதற்கான ஆதாரத்தை தர இயலுமா?
Quote | Report to administrator
அன்புப்பிரியன்
0 #8 அன்புப்பிரியன் -0001-11-30 05:21
ஹாஜிகள் அரஃபா மைதானத்தில் கூடும் நாளையே அரஃபா தினமாக கருதி நோன்பு வைப்பதே சரியானதாகும். ஆனால் அந்நாளை கணக்கிடுவதில்தா ன் பிரச்சினையே ஆரம்பிக்கிறது.ச வூதி அரசாங்கத்தை பொறுத்தவரை இரண்டு விதமான நடைமுறைகளை கடைப்பிடிக்கிறத ு.அதாவது வானியல் கணீப்பிட்டை மட்டுமே அடிப்படையாக கொண்ட உம்முல் குறா என்னும் நாட்காட்டியை தனது அலுலக நடைமுறைகளில் கடைப்பிடிக்கிறத ு. இந்நாட்காட்டியி ன் அடிப்படையில் தலைபிறை பார்த்தல் என்பதெல்லாம் கருத்தில் கொள்வது கிடையாது. ஆனால் ரமழான் மற்றும் துல்ஹஜ் மாதங்களில் மட்டும் தலைப்பிறையை பார்ப்பதற்கு மக்களை கேட்டு கொள்கிறது.இவ்வா றான இரட்டை நிலையால் இவ்வருடம் ஷஃபான் 28-ல் பிறை பார்க்கும்படியா ன வேண்டுகோள்கள் விடப்பட்டன
icoproject.org/.../...
ஆனால் ஹதீஸ்களின் அடிப்படையில் பிறை 29-ல் தான் அடுத்த பிறையை காண முயற்சிக்க வேண்டும்.இப்படி யான முரண்பாடுகளால்த ான் ஒவ்வொரு பகுதியினரும் அவர்கள் பகுதியில் என்று பிறை-9 தாக கருதுகிறார்களோ அன்று நோன்பு வைக்க முயல்கின்றனர்.இ வை அல்லாமல் இன்னும் சிலரோ விஞ்ஞான காலகட்டத்தில் இருந்து கொண்டு பிறைகளை கண்ணால் பார்ப்பதா என்று கூறிக்கொண்டு வானியல் கணீப்பீட்டின் அடிப்படையில் தங்களது நோன்பை நிறைவு செய்கிறார்கள்.இ வ்வாறானவர்கள் தங்கள் தரப்பு செயல்பாட்டை பிறை சம்பந்தமான ஏதாவது ஒரு ஹதீஸின் மூலம் நியாயப்படுத்துவ ார்கள். ஆனால் பிறையை காணமுயற்சிக்கவே ண்டும் என்ற வகையிலான ஹதீஸ்களை கண்டுகொள்ள மாட்டார்கள்.இவ் வாறில்லாமல் பிறை சம்பந்தமான அனைத்து குர்-ஆன் மற்றும் ஹதீஸ்களையும் ஒருங்கிணைத்து கண்டால் மட்டுமே தெளிவான முடிவெடுக்க முடியும்.இதற்கா ன முயற்சிகளை சம்பந்தபட்டவர்க ள் உணர்ந்தால் மட்டுமே இவ்வாறான விவாதங்கள் முடிவுக்கு வரும்.
Quote | Report to administrator
அபூ முஹை
0 #9 அபூ முஹை -0001-11-30 05:21
வ அலைக்கும் ஸலாம்,
மரைக்காயர் அவர்களே! உங்கள் கருத்தை பதிந்தமைக்கு நன்றி! மற்றும், அபூ சுஹைமா, முஸ்தாக் முஹம்மது, அப்துல் கரீம், அன்புப்பரியன் அனைவரின் கருத்துக்களுக்க ும் நன்றிகள்!

பிறை கணக்குப் பற்றி நம் சமூகத்தில் கருத்து வேறுபாடு இருக்கிறது. அதையெல்லாம் சற்று ஓதுக்கி வைத்துவிட்டு...

''வெள்ளிக்கிழமை உலகம் அழியும்'' என்பது நபியின் வாக்கு (முஸ்லிம்)

இறைத்தூதர் (ஸல்) அவர்களின் வாக்கின்படி, உலகம் அழியும் நேரத்தில் இந்த உலகத்தின் அனைத்துப் பகுதிகளும் ஒரு கிழமையில் - வெள்ளிக்கிழமையி ல் இருக்க வேண்டும். இது சாத்தியப்படுமா? என்ற பேச்சுக்கே இடமில்லை, அதுபோல் உலகிற்கெல்லாம் ஒரே அரஃபா தினம் ஏன் சாத்தியமில்லை? இது பற்றி மரைக்காயர் மற்றுமுள்ள சகோதரர்களின் கருத்துக்களை எதிர்பார்த்து...

அன்புடன்,
அபூ முஹை
Quote | Report to administrator
அபூ முஹை
0 #10 அபூ முஹை -0001-11-30 05:21
///திருக்குர்ஆன ், சுன்னாவும் ஹாஜிகள் கூடும் நாளையே அரஃபா நாள் என்று அடையாளப்படுத்து கிறது!///

(அறியாமைக் காலத்தில் ஹஜ்ஜின் போது) குறைஷியரும் அவர்களின் மதத்தவர்களும் முஸ்தலிஃபாவிலேய ே தங்கிவிடுவார்கள ். (ஹரம் - புனித எல்லையைவிட்டு வெளியேறமாட்டார் கள்.) அவர்கள் (இந்த விஷயத்தில்) 'உறுதிமிக்கவர்க ள்' எனப் பெயரிடப்பட்டு வந்தனர். மற்ற அரபுகள் அனைவருமே அரஃபாத்தில் தங்கி வந்தார்கள். இஸ்லாம் வந்தபோது இறைத்தூதர்(ஸல்) அவர்களுக்கு (ஃதுல்ஹஜ் 9 வது நாளில்) அரஃபாத் சென்று, அங்கே தங்கியிருந்துவி ட்டு அங்கிருந்தே திரும்ப வேண்டும் என்று அல்லாஹ் கட்டளையிட்டான். அந்தக் கட்டளைதான் 'மக்கள் அனைவரும் திரும்புகிற இடத்திலிருந்து நீங்களும் திரும்புங்கள்'' எனும் (திருக்குர்ஆன் 02:199 வது) இறைவசனமாகும்.

அன்பின் சகோதரர் அப்துல் கரீம் அவர்களுக்கு, 002:198,199 ஆகிய வசனங்களை குறிப்பிட்டிருந ்தேன் நீங்கள் கவனிக்கவில்லை என்று கருதுகிறேன். அரஃபா மைதானத்தில் ஹாஜிகள் கூடும் நாளையே அரஃபா நாள் என்று திருக்குர்ஆனும் , நபிமொழியும் கூறுகிறது!

அன்புடன்,
அபூ முஹை
Quote | Report to administrator
அபூ முஹை
0 #11 அபூ முஹை -0001-11-30 05:21
(அறியாமைக் காலத்தில் ஹஜ்ஜின் போது) குறைஷியரும் அவர்களின் மதத்தவர்களும் முஸ்தலிஃபாவிலேய ே தங்கிவிடுவார்கள ். (ஹரம் - புனித எல்லையைவிட்டு வெளியேறமாட்டார் கள்.) அவர்கள் (இந்த விஷயத்தில்) 'உறுதிமிக்கவர்க ள்' எனப் பெயரிடப்பட்டு வந்தனர். மற்ற அரபுகள் அனைவருமே அரஃபாத்தில் தங்கி வந்தார்கள். இஸ்லாம் வந்தபோது இறைத்தூதர்(ஸல்) அவர்களுக்கு (ஃதுல்ஹஜ் 9 வது நாளில்) அரஃபாத் சென்று, அங்கே தங்கியிருந்துவி ட்டு அங்கிருந்தே திரும்ப வேண்டும் என்று அல்லாஹ் கட்டளையிட்டான். அந்தக் கட்டளைதான் 'மக்கள் அனைவரும் திரும்புகிற இடத்திலிருந்து நீங்களும் திரும்புங்கள்'' எனும் (திருக்குர்ஆன் 02:199 வது) இறைவசனமாகும். (புகாரி, முஸ்லிம்)

முன்பு பதிவு செய்ததில் ஆதார நுல்கள் குறிப்பிடவில்லை பொறுத்துக் கொள்க!
Quote | Report to administrator
அப்துல் கரீம்
0 #12 அப்துல் கரீம் -0001-11-30 05:21
சகோதரர் அபூ முஹை அவர்களே இங்கு பிரச்சினை 'அரஃபா தின நோன்பு' பற்றியதாகும்.

எது அரஃபா தினம் என தெளிவானால் இப்பிரச்சினையில ் இலகுவாக தீர்வு கிடைக்கும்.

முதலில் நபி(ஸல்) அவர்களின் கட்டளையில் 'அரஃபா தினத்தில் நோன்பு வையுங்கள்' என இருக்க வேண்டும்.

இரண்டாவது 'ஹாஜிகள் என்று அரஃபா மைதானத்தில் கூடுகிறார்களோ அன்றே அரஃபா தினம்' என்பதற்கு ஆதாரம் வேண்டும்.

இந்த இரண்டிற்கும் நேரடியாக குர்ஆனிலிருந்தோ ஹதீஸிலிருந்தோ ஆதாரம் காண்பிக்கும் வரை குழப்பங்கள் நிலை நிற்கவே செய்யும்.

நீங்கள் ஆதாரமாக காட்டியிருக்கும ் வசனங்களில் 'ஹாஜிகள் அரஃபா மைதானத்தில் கூடும் தினம் தான் அரஃபா தினம்' என்று எங்குமே வரவில்லையே.

'மக்கள் திரும்பும் இடத்திலிருந்தே நீங்களும் திரும்புங்கள்' என்பது நான் கேட்டதற்கு எப்படி ஆதாரம் ஆகும்?

தொடர்பில்ல்லமல் எதற்கு எதையோ ஆதாரம் காட்டுவது சரியல்ல.
Quote | Report to administrator
அபூ முஹை
0 #13 அபூ முஹை -0001-11-30 05:21
சகோதரர் அப்துல் கரீம் அவர்களுக்கு,

''அரஃபா நாள் நோன்பு'' என்றே கட்டுரையில் இடம் பெற்றிருக்கும் நபிமொழியில் சொல்லப்பட்டிரு க்கிறது.

''அரஃபா நாளில் நோன்பு நோற்பது பற்றி நபி(ஸல்) அவர்களிடம் வினவப்பட்டது...''

திர்மிதியில், ''அரஃபா தினத்தில் நோன்பு நோற்பது..'' என்று நபி (ஸல்) அவர்கள் அரஃபா தினம் நோன்பு என்றே அடையாளப்படுத்துகிறார்கள்.

''மக்கள் அனைவரும் திரும்புகிற இடத்திலிருந்து நீங்களும் திரும்புங்கள்'' (002:199) என்ற வசனத்திற்கு ''அரஃபாத் சென்று, அங்கே தங்கியிருந்துவி ட்டு அங்கிருந்தே திரும்ப வேண்டும் என்று அல்லாஹ் கட்டளையிட்டான். '' என்ற அறிவிப்பை வைத்து ஹாஜிகள் அரஃபாவில் தங்கும் நாளையே அரஃபா நாள் என்று விளங்கியிருக்கி றேன். தவறு என்றால் திருத்துங்கள் ஏற்றுக் கொள்கிறேன் நன்றி!

அன்புடன்,
அபூ முஹை
Quote | Report to administrator
ஜஹாங்கீர்
0 #14 ஜஹாங்கீர் -0001-11-30 05:21
//நபி(ஸல்) அவர்கள் துல்ஹஜ் ஒன்பதாம் நாள் நோன்பு வைப்பார்கள//

இது கட்டுரையில் மேற்கோள் காட்டியிருக்கும ் ஹதீஸில் காணப்படும் வாசகம்.

இந்த ஹதீஸின் அடிப்படையில் துல்ஹஜ் 9 ஒவ்வொரு நாட்டினருக்கும் என்று வருகின்றதோ அன்று தான் அவர்களுக்கு அது நோன்பு நோற்கும் தினமாகும்.

எனவே சவுதியை தவிர மற்ற இடங்களில் உள்ளவர்கள் அவர்களுக்கான துல்ஹஜ் 9 அன்று நோன்பு நோற்பது எவ்வகையில் தவறாகும்?
Quote | Report to administrator
நிர்வாகி சத்தியமார்க்கம்.காம்
0 #15 நிர்வாகி சத்தியமார்க்கம்.காம் -0001-11-30 05:21
தங்கள் கருத்துக்களை அழகிய முறையில் தெரிவித்த அனைத்து சகோதரர்களுக்கும ் நன்றி!

அரஃபா நோன்பு தொடர்பான இவ்விவாதம், நிர்வாக வசதிக்காக விவாத அரங்கிற்கு மாற்றப்பட்டுள்ளது.

சகோதரர்கள் தங்கள் கருத்துக்களையும ் விமர்சனங்களையும ் விவாத அரங்கத்தில் தொடர்ந்திட வேணுமாய் அன்புடன் கேட்டுக்கொள்கிறோம்.

- நிர்வாகி (சத்தியமார்க்கம்.காம்)
________________________________
Quote | Report to administrator
அப்துல் கரீம்
0 #16 அப்துல் கரீம் -0001-11-30 05:21
இக்கட்டுரை தமிழ் இஸ்லாம் தளத்தில் காணக்கிடைக்கவில ்லையே. நீங்கள் தமிழ் இஸ்லாம் தளத்திலிருந்து எடுத்து மறுபதிவு செய்தது போல் நன்றி போட்டுள்ளீர்கள் . இக்கட்டுரை இடம்பெற்றுள்ள தமிழ் இஸ்லாம் தளத்தின் சுட்டியை அளிக்க இயலுமா?
Quote | Report to administrator
Rucknudeen
0 #17 Rucknudeen 2009-11-25 22:34
அஸ்ஸலாமு அலைக்கும்.

சகோதரர் அபூ முஹை தனது கூற்றில் "வெள்ளிக்கிழமை தான் உலகம் அழிக்கப்படும்" என்பது நபியின் வாக்கு இது சாத்தியப்படுமா? என்று கேள்வி கேட்டிருக்கிறார ். சற்று சிந்திக்க வேண்டும். உலகம் அழிக்கப்படுவது வெள்ளிக்கிழமை என்பது வெறும் நபியின் ஹதீஸ் மட்டும் அல்ல மாறாக "அல்லாஹ்வின் வார்த்தை". அதில் கடுகு அளவும் சந்தேகம் இல்லை. அல்லாஹ் நினைத்தால் இந்த உலகத்தை அழிக்க ஒரு நொடி நேரம் போதாதா? என்ன? சற்றே சிந்திக்கவும்.

ஆக அதற்கும் மணி கணக்குக்கும் எந்த வித சம்பந்தமும் இல்லை என்பது எனது கருத்து.

_____________________

அன்புச் சகோதரர் ருக்னுத்தீன்,

கீழ்க்காணும் சுட்டியைப் பயன் படுத்தித் தமிழில் எழுதுங்கள்.

நன்றி!
www.satyamargam.com/.../
Quote | Report to administrator
அப்துல்லாஹ் M
0 #18 அப்துல்லாஹ் M 2009-11-28 23:36
ஹாஜிகளுக்கு அரஃபா நாளில் நோற்பது

அரஃபா நாளில் (ஹாஜிகள்) அரஃபாவில் வைத்து நோன்பு நோற்பதை நபி(ஸல்) தடை செய்துள்ளார்கள் . (அறிவிப்பாளர்: அபூஹுரைரா(ரலி) ஆதாரம்:அஹ்மத், அபூதாவூது,
நஸயீ, இப்னுமாஜா.)

அரபா நாளில் நபி(ஸல்) அவர்கள் நோன்பு நோற்றிருக்கிறார ்களா? என மக்களுக்கு அய்யம் ஏற்பட்டபோது இப்னு அப்பாஸ்(ரலி)யின ் தாயார் உம்முஃபள்ல்(ரலி ) அவர்களும் அதுபோல அன்னை மைமூனா(ரலி) அவர்களும் ஒரு பாத்திரத்தில் பாலை அனுப்பியபோது எல்லோரும் பார்த்துக் கொண்டிருக்க ஒட்டகத்தில் அமர்ந்தவாறே பாலை அருந்தினார்கள். ஆதாரம்: புகாரி எண்.1988, 1989

3. அய்யாமுத்தஷ்ரீக ் (11,12,13) நாட்கள்

’அய்யாமுத்தஷ்ரீக ்’ (ஹஜ்ஜுப் பெருநாட்களுக்கு ப் பின்னுள்ள மூன்று நாட்கள்) உண்பதற்க்கும், பருகுவதற்க்கும் , அல்லாஹ்வை நினைவு கூர்வதற்க்கும் உரிய நாட்களாகும்.’ என நுபைஷா அல்ஹுதலிய்யி(ரல ி) அவர்கள் அறிவிக்கிறார்கள ்.
ஆதாரம்: முஸ்லிம்)
Quote | Report to administrator
Abu Abdullah
-1 #19 Abu Abdullah 2011-11-07 18:13
அஸ்ஸலாமு அலைக்கும்

இங்கு நான் அராஃபா நோன்பு சம்மந்தமாக கட்டுரையை பார்த்தேன். நபி(ஸல்) சனி கிழமைகளில் நோன்பு பிடிப்பதை தடை செய்தார்கள் என்பதை மறந்த்துவிட்டு இங்கு கருத்து பரிமாற்றம் செய்துகொன்டு இருக்கிரோம்.

அஸ்ஸம்மா பின்த் புஸ்ர் ரலியல்லாஹு அன்ஹு அவர்கள் நபி சள்ளல்லாஹு அலைஹி வஸ் ஸல்லம் அவர்கள் கூறியதாக அறிவிக்கிறார்கள்.



சனிக்கிழமை நாட்களில் பர்ளான நோன்பைத் தவிர நோற்க்க வேண்டாம் உங்களில் யாராவது எதையும் பெற்றுக்கொள்ளா விட்டால் திராட்சையின் நெட்டியை அல்லது ஒரு மரத்தின் குச்சியையாவது சுவைத்துக்கொள்ள ட்டும். ”

(நஸாமி அல் குப்றா, திர்மிதி, இப்னு மாஜா, முஸ்னத் அஹ்மத்,)

மேற்குறிப்பிட்ட ஹதீஸில் சனிக் கிழமைகளில் பர்ழான (கடமை) நோன்பைத் தவிர ஏனைய நோன்புகள் தடைசெய்யப்பட்டு ள்ள காரணத்தினால் அரபா நோன்பை சனிக்கிழமைகளில் நோற்க முடியாது.



குறிப்பு: ரமழான், கழா, நேர்ச்சை, கப்பாரா போன்ற நோன்புகள் பர்ழான (கடமையான) நோன்புகளாகும்.
Quote | Report to administrator
muslim:
0 #20 muslim: 2011-11-07 23:19
வ அலைக்குமுஸ்ஸலாம ் வரஹ்,

உங்கள் மீது கடமையாக்கப்பட்ட நாள்களில் தவிர (வேறு) சனிக்கிழமைகளில் நீங்கள் நோன்பு நோற்கக்கூடாது. (சனிக்கிழமைகளில ் உண்பதற்கு) திராட்சைத் தோல் அல்லது மரக்குச்சியைத் தவிர வேறு எதுவும் கிடைக்கா விட்டால் அதையாவது மென்று விடட்டும். என்று அல்லாஹ்வின் தூதர் (ஸல்) அவர்கள் கூறினார்கள். அறிவிப்பவர் தம் சகோதரியின் வாயிலாக அப்துல்லாஹ் பின் புஸ்ர் (ரலி) (நூல்கள் - திர்மிதீ 675, அபூதாவூத், இப்னுமாஜா, அஹ்மத், தாரிமீ)

சனிக்கிழமை யூதர்கள் புனிதப்படுத்தும ் நாளாகும். எனவே சனிக்கிழமை நோன்பு நோற்கக்கூடாது என்பது இதன் கருத்தாகும்.

மற்றபடி, ஆஸரா நாள் நோன்பு, அரஃபா தினம் நோன்பு போன்ற சுன்னத்தான நோன்புகள் சனிக்கிழமையில் வருமேயானால் அந்நாளில் நோன்பு நோற்பதில் தவறில்லை. சனிக்கிழமை அரஃபா தினம் வந்தால், அரஃபா தினத்திற்காக நோன்பு நோற்கிறோம். தவிர சனிக்கிழமைக்காக நோன்பு நோற்கவில்லை என்பதை விளங்கினால் முரண் இல்லை!
Quote | Report to administrator
M Muhammad
+1 #21 M Muhammad 2013-10-11 16:50
(துல் ஹஜ்) பத்து நாட்களில் நல்லறங்கள் செய்வது ஏனைய நாட்களில் அவற்றைச் செய்வதைவிட அல்லாஹ்வுக்கு மிகவும் விருப்பமானதாகும ். என்று நபிகள நாயகம் (ஸல்) அவர்கள் கூறினார்கள். அப்போது நபித்தோழர்கள், அல்லாஹ்வின் பாதையில் ஜிஹாத் (அறப்போர்) செய்வதை விடவுமா? என்று கேட்டனர். அதற்கு நபிகள நாயகம் (ஸல்) அவர்கள் அல்லாஹ்வின் பாதையில் அறப்போர் செய்வதை விடவும் சிறந்தது தான். ஆயினும் தனது உயிருடனும் தனது செல்வத்துடனும் புறப்பட்டுச் சென்று அவ்விரண்டில் எதையும் திரும்பக் கொண்டு வராத பேராளியைத் தவிர (அதாவது அல்லாஹ்வின் பாதையில் ஷஹீதானவரைத் தவிர) என்று விடையளித்தார்கள ்.

அறிவிப்பவர் : இப்னு அப்பாஸ் (ரலி),

நூல் : புகாரி (969)

இந்தச் செய்தி நோன்பை மட்டும் கூறாமல் பொதுவாக நோன்பு உட்பட அனைத்து நல்லறங்களையும் குறிக்கின்றது. இந்த நாட்களில் தொழுகை திக்ரு தர்மம் செய்தல் போன்ற எந்த நல்லறங்களைச் செய்தாலும் அதற்கு தனிச்சிறப்பு உண்டு.

எனவே இந்த பொதுவான ஆதாரத்தின் அடிப்டையில் இந்த நாட்களில் ஒருவர் நோன்பு நோற்றால் அதைத் தவறு என்று கூற முடியாது.

இந்த நாட்களில் நபிகள நாயகம் (ஸல்) அவர்கள் நோன்பு நோற்று நான் பார்த்ததே இல்லை என ஆயிஷா (ரலி) அவர்கள் அறிவிக்கும் செய்தி இதற்கு எதிரானது அல்ல.

2012حَدَّثَنَا أَبُو بَكْرِ بْنُ أَبِي شَيْبَةَ وَأَبُو كُرَيْبٍ وَإِسْحَقُ قَالَ إِسْحَقُ أَخْبَرَنَا وَقَالَ الْآخَرَانِ حَدَّثَنَا أَبُو مُعَاوِيَةَ عَنْ الْأَعْمَشِ عَنْ إِبْرَاهِيمَ عَنْ الْأَسْوَدِ عَنْ عَائِشَةَ رَضِيَ اللَّهُ عَنْهَا قَالَتْ مَا رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ صَائِمًا فِي الْعَشْرِ قَطُّ رواه مسلم

அல்லாஹ்வின் தூதர் (ஸல்) அவர்கள் (துல்ஹஜ் மாதம்) பத்து நாட்கள் நோன்பு நோற்று ஒரு போதும் நான் கண்டதில்லை.

அறிவிப்பவர் : ஆயிஷா (ரலி)

நூல் : முஸ்லிம் (2186)

இதில் கூறப்படும் பத்து நாட்கள் என்பது துல்ஹஜ் மாதத்தின் முதல் ஒன்பது நாட்களையே குறிக்கும். பத்தாவது நாள் பெருநாள் என்பதால் அன்று நோன்பு நோற்பது கூடாது.

இந்த ஒன்பது நாட்கள் நபிகள நாயகம் (ஸல்) அவர்கள் நோன்பு நோற்கவில்லை என ஆயிஷா (ரலி) அவர்கள் கூறுகிறார்கள். இந்தச் செய்தியை வைத்துக்கொண்டு இவ்வாறு நோன்பு நோற்பது கூடாது என்று சொல்ல முடியாது.

ஒரு அமலுக்கு நபிகளாரின் சொல் ஆதாரமாக இருக்கின்றது. ஆனால் அந்த வணக்கத்தை நபிகளார் செய்ததாக எந்தச் செய்தியும் இல்லை. இந்நிலையில் நபிகளாரின் செயல் இல்லாவிட்டாலும் சொல் இருப்பதால் அந்த அமல் நபிவழியாக கருதப்படும்.

உதாரணமாக அரஃபா நாளில் நோன்பு நோற்பதற்கு நபிகளாரின் சொல்லில் ஆதாரம் உள்ளது. ஆனால் நபிகள் நாயகம் (ஸல்) அவர்கள் இந்த நோன்பு நோற்றதாக எந்தச் செய்தியும் இல்லை. இப்போது இந்த நோன்புக்கு நபியின் செயல் ஆதாரமாகக் கிடைக்காவிட்டால ும் சொல் கிடைத்திருப்பதா ல் இது மார்க்க அங்கீகாரம் பெறுகின்றது.

துல்ஹஜ் மாதம் ஒன்பது நாட்கள் நோன்பு நோற்பதையும் இதே அடிப்படையில் முடிவு செய்ய வேண்டும். நபிகள் நாயகம் (ஸல்) அவர்கள் இந்த அமலைச் செய்யவில்லை என ஆயிஷா (ரலி) அவர்கள் கூறுகிறார்கள்.

ஆனால் அவர்கள் செய்யாவிட்டாலும ் நாம் செய்வதற்கு அனுமதி கொடுத்துள்ளார்க ள் என்பதை இப்னு அப்பாஸ் (ரலி) அவர்கள் அறிவிக்கும் செய்தி தெளிவுபடுத்துகி ன்றது.

மேலும் ஆயிஷா (ரலி) அவர்கள் அறிவிக்கும் செய்தி இந்த நாட்களில் நோன்பு நோற்பது கூடாது என்ற கருத்தைத் தராது. ஏனென்றால் இந்த நாட்களில் நோன்பு உட்பட நல்லறங்களை அதிகமாகச் செய்வது கட்டாயம் அல்ல. இவற்றைச் செய்தால் கூடுதல் நன்மைகள் கிடைக்கும். செய்யாமல் விட்டுவிட்டால் குற்றமில்லை. இந்த அனுமதியின் அடிப்படையில் நபிகள் நாயகம் (ஸல்) அவர்கள் இதைச் செய்யாமல் விட்டிருக்கலாம்.

Thanks&source onlinepj.com/.../...

onlinepj.com/.../...

Published on: March 12, 2011, 11:47 AM Views: 885
Quote | Report to administrator
சத்தியமார்க்கம்.காம்
0 #22 சத்தியமார்க்கம்.காம் 2013-10-11 21:11
அன்புச் சகோதரர் M Muhammad

உங்கள் பின்னூட்டத்தில் நீங்கள் எடுத்தாண்டிருக் கும் இணையதள பதிவில் ஒரு பிழையான தகவல் இடம்பெற்றுள்ளது:

//உதாரணமாக அரஃபா நாளில் நோன்பு நோற்பதற்கு நபிகளாரின் சொல்லில் ஆதாரம் உள்ளது. ஆனால் நபிகள் நாயகம் (ஸல்) அவர்கள் இந்த நோன்பு நோற்றதாக எந்தச் செய்தியும் இல்லை//

இந்தப் பதிவில் இரண்டாவதாக இடம்பெற்றிருக்க ும் கீழ்கண்ட ஹதீஸ், நபி(ஸல்) அவர்கள் அரஃபா நாளில் நோற்றதற்கு ஆதாரமாக உள்ளது:

"நபி (ஸல்) அவர்கள் துல்ஹஜ் ஒன்பதாம் நாள் நோன்பு வைப்பார்கள் என்று நபிகளார் (ஸல்) அவர்களின் துணைவியார்களில் சிலர் கூறினார்கள்" அறிவிப்பவர்: ஹுனைதாபின் காலித்(ரலி), நூல்கள்: அபூதாவூத், நஸயி, அஹ்மத்.
Quote | Report to administrator
M Muhammad
0 #23 M Muhammad 2013-10-12 01:44
அன்புச் சத்தியமார்க்கம் .காம்


துல்ஹஜ் மாதம் முதல் ஒன்பது நாட்கள் நோன்பு வைக்கும் வழக்கம் அரபு நாடுகளில் பரவலாக உள்ளது. நபிகள் நாயகம் (ஸல்) அவர்கள் இந்த நோன்புகளை நோற்காமல் இருக்க மாட்டார்கள் என்ற கருத்தில் ஒரு செய்தி உள்ளது.

2373أَخْبَرَنَا أَبُو بَكْرِ بْنُ أَبِي النَّضْرِ قَالَ حَدَّثَنِي أَبُو النَّضْرِ قَالَ حَدَّثَنَا أَبُو إِسْحَقَ الْأَشْجَعِيُّ كُوفِيٌّ عَنْ عَمْرِو بْنِ قَيْسٍ الْمُلَائِيِّ عَنْ الْحُرِّ بْنِ الصَّيَّاحِ عَنْ هُنَيْدَةَ بْنِ خَالِدٍ الْخُزَاعِيِّ عَنْ حَفْصَةَ قَالَتْ أَرْبَعٌ لَمْ يَكُنْ يَدَعُهُنَّ النَّبِيُّ صَلَّى اللَّهُ عَلَيْهِ وَسَلَّمَ صِيَامَ عَاشُورَاءَ وَالْعَشْرَ وَثَلَاثَةَ أَيَّامٍ مِنْ كُلِّ شَهْرٍ وَرَكْعَتَيْنِ قَبْلَ الْغَدَاةِ رواه النسائي

ஆஷூராவுடைய நோன்பு (துல்ஹஜ் மாதம் முதல்) பத்து நாட்கள் நோன்பு நோற்பது ஒவ்வொரு மாதத்திலும் மூன்று நாட்கள் நோன்பு நோற்பது ஃபஜர் தொழுகைக்கு முன்னால் உள்ள இரண்டு ரக்அத்கள் இந்த நான்கு நல்லறங்களையும் நபிகள் நாயகம் (ஸல்) அவர்கள் விட்டதே இல்லை.

அறிவிப்பவர் : ஹஃப்ஸா (ரலி)

நூல் : நஸாயீ (2373)

மேலும் இந்தச் செய்தி இப்னு ஹிப்பான், முஸ்னது அஹ்மது, தப்ரானீ ஆகிய நூற்களிலும் பதிவு செய்யப்பட்டுள்ள து. இந்தச் செய்தியை அடிப்படையாக வைத்து இவ்வாறு நோன்பு வைக்கின்றனர். இது பலவீனமான செய்தியாகும்.

இதன் அறிவிப்பாளர் தொடரில் அபூ இஸ்ஹாக் அல்அஷ்ஜயீ என்பவர் இடம் பெறுகின்றார். இவர் நம்பகமானவர் என்று எந்த அறிஞரும் நற்சான்று அளிக்கவில்லை. இவருடைய நம்பகத் தன்மை நிரூபிக்கப்படாத காரணத்தால் இது பலவீனமான செய்தியாகும்.

Thanks&source onlinepj.com/.. ./...
Quote | Report to administrator
M Muhammad
0 #24 M Muhammad 2013-10-12 02:11
அஸ்ஸலாமு அலைக்கும் அன்புச் சத்தியமார்க்கம் சகோதரர்களே

எனது பின்னூட்டம் துல் ஹஜ் மாதம் ஒன்பது நாட்கள் நோன்பு நோற்பது நபி வழிக்கு மாற்றமானது என்ற இந்த ஆக்க கருத்துக்கு
// நோன்பு நோற்பது இறைவனிடம் மிகப்பெரிய பாக்கியத்தைப் பெற்றுத்தரும் செயலாக இருந்தாலும் ரமலான்மாதக் கடமையான நோன்பைத் தவிர துல்ஹஜ் மாதத்தில் தொடர்ச்சியாக நோன்பு வைக்க முஸ்லிம்களின் வழிகாட்டியான நபி (ஸல்) அவர்கள் கற்றுத் தரவில்லை.

நபி (ஸல்) அவர்கள் கற்றுத் தராத, செய்து காண்பிக்காத எந்தச் செயலையும் மார்க்கத்தில் நல்லமலாக அங்கீகரிக்க இயலாது. ஆனால் அதேநேரம் குர்ஆன் ஓதுதல், திக்ருகள், தேவையுடையவருக்க ு உதவுதல், இரவுத் தொழுகை, அல்லாஹ்வைப் புகழ்தல், இஸ்திக்ஃபார் (பாவமன்னிப்பு தேடுதல்), ஸதகாத் (தர்மங்கள் செய்வது) போன்ற ஏனைய இறை அருளை பெற்றுத்தரும் காரியங்களில் ஈடுபடலாம்.//

விளக்கமாக பொது அனுமதி அடிப்படையில் நோன்பும் ஒரு நல்லறம் என்பதால் நோன்பு நோற்கலாம் என்ற கருத்தை சரிகண்டு அதை மக்களுக்கு கொண்டு செல்ல சமர்ப்பித்தேன்.

அதை முழுமையாக சமர்ப்பிக்க பின்னூட்டம் நீளமானது என்ற அறிவிப்பினால் சுருக்கி அவசியமானதை மட்டும் பின்னூட்டத்தில் சுட்டியிருந்தேன ். எனது அடுத்த பின்னூட்டத்தில் .

//"நபி (ஸல்) அவர்கள் துல்ஹஜ் ஒன்பதாம் நாள் நோன்பு வைப்பார்கள் என்று நபிகளார் (ஸல்) அவர்களின் துணைவியார்களில் சிலர் கூறினார்கள்" // என்ற ஹதீஸ் பலவீனம் என்ற கருத்தையும் சமர்ப்பித்துள்ள ேன்.


மேலும் தாங்கள் சுட்டிக் காட்டிய வாசகம் வேறு தளத்தில் உள்ள வாசகம் ஆனால் நபி(ஸல்) அவர்கள் செய்த ஒரே ஹஜ்ஜையே இறுதி ஹஜ் என்று குறிப்பிடப்படுக ிறது என்பதால் அவர்கள் அரஃபாவில் நோன்பு நோற்க வில்லை என்ற அடிப்படையில் கூறப்பட்டுள்ளது என்று விளங்கிக் கொண்டு,
நபி (ஸல்) அவர்கள் துல்ஹஜ் ஒன்பது நாட்கள் நோன்பு நோற்பார்கள் என்ற ஹதீஸ் பலவீனமனது என்று இணைத்துப் பார்க்கும் போது , செயலில் ஆதாரம் இல்லையென்றாலும் அவர்கள் சொல்லில் அரஃபா நோன்பை வலியுறுத்தி ஏவியுள்ளதால் ஆதாரம் உள்ளது என்று விளங்கினால் முரண்பாடு இல்லை என்பது எனது புரிதல்.

அல்லாஹ் மிக அறிந்தவன்
Quote | Report to administrator
M Muhammad
0 #25 M Muhammad 2013-10-12 02:19
மேலும் .......

// அல்லாஹ்வின் தூதர் (ஸல்) அவர்கள் (துல்ஹஜ் மாதம்) பத்து நாட்கள் நோன்பு நோற்று ஒரு போதும் நான் கண்டதில்லை.

அறிவிப்பவர் : ஆயிஷா (ரலி)

நூல் : முஸ்லிம் (2186)

இதில் கூறப்படும் பத்து நாட்கள் என்பது துல்ஹஜ் மாதத்தின் முதல் ஒன்பது நாட்களையே குறிக்கும். பத்தாவது நாள் பெருநாள் என்பதால் அன்று நோன்பு நோற்பது கூடாது.

இந்த ஒன்பது நாட்கள் நபிகள நாயகம் (ஸல்) அவர்கள் நோன்பு நோற்கவில்லை என ஆயிஷா (ரலி) அவர்கள் கூறுகிறார்கள். இந்தச் செய்தியை வைத்துக்கொண்டு இவ்வாறு நோன்பு நோற்பது கூடாது என்று சொல்ல முடியாது.

ஒரு அமலுக்கு நபிகளாரின் சொல் ஆதாரமாக இருக்கின்றது. ஆனால் அந்த வணக்கத்தை நபிகளார் செய்ததாக எந்தச் செய்தியும் இல்லை. இந்நிலையில் நபிகளாரின் செயல் இல்லாவிட்டாலும் சொல் இருப்பதால் அந்த அமல் நபிவழியாக கருதப்படும்.

உதாரணமாக அரஃபா நாளில் நோன்பு நோற்பதற்கு நபிகளாரின் சொல்லில் ஆதாரம் உள்ளது. ஆனால் நபிகள் நாயகம் (ஸல்) அவர்கள் இந்த நோன்பு நோற்றதாக எந்தச் செய்தியும் இல்லை. இப்போது இந்த நோன்புக்கு நபியின் செயல் ஆதாரமாகக் கிடைக்காவிட்டால ும் சொல் கிடைத்திருப்பதா ல் இது மார்க்க அங்கீகாரம் பெறுகின்றது.

துல்ஹஜ் மாதம் ஒன்பது நாட்கள் நோன்பு நோற்பதையும் இதே அடிப்படையில் முடிவு செய்ய வேண்டும். நபிகள் நாயகம் (ஸல்) அவர்கள் இந்த அமலைச் செய்யவில்லை என ஆயிஷா (ரலி) அவர்கள் கூறுகிறார்கள்.

ஆனால் அவர்கள் செய்யாவிட்டாலும ் நாம் செய்வதற்கு அனுமதி கொடுத்துள்ளார்க ள் என்பதை இப்னு அப்பாஸ் (ரலி) அவர்கள் அறிவிக்கும் செய்தி தெளிவுபடுத்துகி ன்றது.

மேலும் ஆயிஷா (ரலி) அவர்கள் அறிவிக்கும் செய்தி இந்த நாட்களில் நோன்பு நோற்பது கூடாது என்ற கருத்தைத் தராது. ஏனென்றால் இந்த நாட்களில் நோன்பு உட்பட நல்லறங்களை அதிகமாகச் செய்வது கட்டாயம் அல்ல. இவற்றைச் செய்தால் கூடுதல் நன்மைகள் கிடைக்கும். செய்யாமல் விட்டுவிட்டால் குற்றமில்லை. இந்த அனுமதியின் அடிப்படையில் நபிகள் நாயகம் (ஸல்) அவர்கள் இதைச் செய்யாமல் விட்டிருக்கலாம்//
Thanks&source onlinepj.com/.. ./...
Quote | Report to administrator
Zainul Hussain
+1 #26 Zainul Hussain 2014-09-20 12:28
Please note that those who are not performing Haj during the year should do fasting on the day of Arafa when Hajis are in Arafa ground. Nowhere mentioned that the fasting on 9th day.

So, It is obvious that one should fast on the day of Arafa when Hajis gather in Arafa no matter either 8th or 9th day of Dhul Haj in our countries.
Quote | Report to administrator
முபாரக்
0 #27 முபாரக் 2015-09-22 16:41
துல்ஹஜ் முதல் 10 நாட்களில் நபிகள நாயகம் (ஸல்) அவர்கள் நோன்பு நோற்று நான் பார்த்ததே இல்லை என ஆயிஷா (ரலி) அவர்கள் அறிவிக்கும் சஹீஹான ஹதீஸ் பற்றி கருத்து என்ன?

2012حَدَّثَنَا أَبُو بَكْرِ بْنُ أَبِي شَيْبَةَ وَأَبُو كُرَيْبٍ وَإِسْحَقُ قَالَ إِسْحَقُ أَخْبَرَنَا وَقَالَ الْآخَرَانِ حَدَّثَنَا أَبُو مُعَاوِيَةَ عَنْ الْأَعْمَشِ عَنْ إِبْرَاهِيمَ عَنْ الْأَسْوَدِ عَنْ عَائِشَةَ رَضِيَ اللَّهُ عَنْهَا قَالَتْ مَا رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ صَائِمًا فِي الْعَشْرِ قَطُّ رواه مسلم

அல்லாஹ்வின் தூதர் (ஸல்) அவர்கள் (துல்ஹஜ் மாதம்) பத்து நாட்கள் நோன்பு நோற்று ஒரு போதும் நான் கண்டதில்லை.

அறிவிப்பவர் : ஆயிஷா (ரலி)

நூல் : முஸ்லிம் (2186)

நபி(ஸல்) ஹஜ் செய்யாத போதும் கூட அவர்களின் வாழ்நாளில் அரஃபா நாள் அன்று உட்பட துல்ஹஜ் 10 நாட்களில் நோன்பு நோற்றது கிடையாது.
Quote | Report to administrator
M Muhammed
0 #28 M Muhammed 2015-09-23 13:41
அன்பு சகோதரர் முபாரக்

அந்த ஹதீஸ் ஆதாரபூர்வமானது என்பதும் அதற்கு மாற்றமாக அவர் அந்த ஒன்பது நோன்புகளை விட்டதே இல்லை என்ற வேறு ஒரு ஹதீஸும் நபி(ஸல்) அவர்களது மனைவி யின் மூலம் அறிவிக்கப் பட்டுள்ளதால் அறிஞர்கள் இதற்கு இரண்டு கருத்துக்கள் கூறுகின்றனர்.

இது இரண்டும் முரண்படவில்லை பத்து நாட்கள் நோன்பு நோற்க வில்லை என்பது ஒன்பது நாட்களை மறுக்கவில்லை பத்து நாட்கள் வைக்கவில்லை என்று கூறுகிறது அது துல் ஹஜ் பத்து அன்று சேர்த்து நோன்பு வைக்கவில்லை என்று விள்ங்க வேண்டும்... இது ஒரு கருத்து.

மற்றும் சிலர் ஆயிஷா(ரலி) அவர்கள் கண்டதில்லை என்பது அதை விட்டதில்லை என்பதைவிட உறுதியானது என்று ஹதிஸ்கலை விதியின் அடிப்படையில் விளக்கம் கூறுகின்றனர்.

வேறு சிலர் அறிவிப்பாலர் பலவீனமானவர் என்ற கருத்தில் உள்ளனர், ஆனால் இந்த முதல் பத்து நாட்களில் நல்லறங்கள் செய்வது மற்ற நாட்களை விட சிறந்தது எனும் பொதுவான அனுமதிபடி ஒன்ப்து நாட்கள் நோன்பு வைப்பது தவ்றில்லை எனும் கருத்து உள்ளது .. இதுவே சரியானதும் ஆகும்..

பார்க்க :
onlinepj.com/.../#.VgJbVhYVjIU
Quote | Report to administrator
Ahmed
0 #29 Ahmed 2016-09-09 00:34
அரஃபா நோன்பின் நிய்யத் என்ன?
Quote | Report to administrator
அபூ ஹூதைஃபா
0 #30 அபூ ஹூதைஃபா 2016-09-11 09:08
ஹாஜிகள் அரஃபா நாளில் நோன்பு நோற்பது தடை செய்யப்பட்டுள்ள து என்ற கருத்தில் அமைந்த ஹதீஸ்கள் பலகீனமானவை என்றும் அவர்களும் நோன்புநோற்பது நோற்பதிவ் எந்தப்பிரச்சனைய ும் இல்லை என்றும் சொல்லப்படுகிறதே அது சரியா?
Quote | Report to administrator
Nasar
0 #31 Nasar 2016-10-03 18:57
கடந்த அரஃபா நோன்பு சமயம், என்னுடைய உறவினர் மகன் ஒருவன் செய்த சிறிய தவறைக் கண்டித்தபோது அவன் கூறியதை, இங்கே கேள்வியாக கேட்டுள்ளேன்.

அரஃபா நாள் நோன்பு அதற்கு முந்தைய ஆண்டு மற்றும் அதற்குப் பிந்தைய ஆண்டு பாவங்களுக்குப் பரிகாரமாகும். - நபி(ஸல்)

அறிவிப்பவர்: அபூகதாதா (ரலி)
நூல் : முஸ்லிம் 1976

--------------------------------

"அரஃபா நோன்பானது கடந்த வருடத்தின் மற்றும் வரக்கூடிய வருடத்தின் பாவத்தை போக்கிவிடும்!" என்று பதிலளித்தார்கள் .

அறிவிப்பவர்: அபூகதாதா(ரலி), நூல்: முஸ்லிம், திர்மிதி, அபூதாவூத்.

சிறிய தவறுகளை, பாவங்களைச் செய்வோரை ஊக்குவிப்பதாக இந்த ஹதீஸ் இல்லையா?

ஒரு தவறைச் செய்யும் முன்னரே அதற்குரிய பரிகாரத்தையும் செலுத்திவிட்டாக ி விட்டது எனும்போது, தவறுகள் அதிகரிக்காதா?

அறிந்தவர்கள் விளக்கம் தரவும்.
Quote | Report to administrator
Add comment
இது சுதந்திரமான கருத்துப் பகுதி. தங்கள் கருத்தில் பிறர் கண்ணியம் காத்திட வேண்டுகிறோம்.


சமீப கருத்துக்கள்